Isahluko 58

Uma uqonda intando Yami uzokwazi ukucabangela umthwalo Wami futhi ungathola ukukhanya nesambulo, futhi uthole ukudedelwa nenkululeko, wanelise inhliziyo Yami, uvumele intando Yami ngawe ukuba yenziwe, futhi ulethe yonke imfundiso yabangcwele, futhi wenze umbuso Wami emhlabeni uqine futhi uzinze. Into ebalulekile manje ukuqonda intando Yami, lena indlela okufanele ungene kuyo futhi ikakhulu ingumsebenzi okufanele ufezwe umuntu wonke.

Izwi Lami liwumuthi olungile owelapha zonke izinhlobo zezifo. Uma nje uzimisele ukuza phambi Kwami, ngizokuphulukisa, futhi ngikwenze ubone ukuba Kwami namandla onke, ubone imisebenzi Yami emangalisayo, ubone ukulunga nobukhosi Bami futhi ikakhulu ubone ukukhohlakala kwakho kanye nobuthakathaka bakho. Ngisiqonda ngokuphelele sonke isimo esikuwe; uhlala wenza izinto ezisenhliziyweni yakho futhi ungazivezi ngaphandle. Ngicacelwa nangokwengeziwe yiyo yonke into oyenzayo. Kodwa kufanele wazi ukuthi yiziphi izinto engizincomayo, nokuthi yiziphi izinto engingazincomi; kufanele wehlukanise ngokucacile phakathi kwalezi ezimbili futhi akufanele lokhu ukuthathe kalula.

Umane ukhuluma ngomlomo nje ngesidingo sokucabangela umthwalo kaNkulunkulu, kodwa lapho ubhekana namaqiniso, awukwenzi nakuba wazi ngokucacile ukuthi uyini umthwalo kaNkulunkulu. Ngempela udideke ngokwedlulele, uyisiphukuphuku ngokwezinga elithile, futhi ikakhulu usebumnyameni ngokuphelele. Lokhu kuchaza ukuthi kunzima kangakanani ukusebenza ngomuntu futhi konke abamane bakwenze ukukhuluma nje, basho okuthile okunjengokuthi “Angiyiqondi nhlobo intando kaNkulunkulu, kodwa uma ngiyiqonda ngokuqinisekile ngizokwenza ngokuvumelana nayo.” Ingabe lesi akusona isimo sakho sangempela? Nakuba nonke niyazi intando kaNkulunkulu, futhi niyazi ukuthi yini imbangela yokugula kwenu, into ebalulekile ukuthi anizimisele ukwenza; lobu ubunzima obukhulu. Uma ningakuxazululi ngokushesha lokhu, kuzoba yisithiyo esikhulu empilweni yakho.


Umthombo: IBandla LikaNkulunkulu USomandla