Inhliziyo Yami iyokujabulela kakhulu, ngiyokudansela ngenjabulo, futhi ngiyokunika izibusiso ezingapheli, ngoba ngaphambi kokudala wavela Kimi, futhi namuhla kufanele ubuyele eceleni Kwami, ngoba awuyena owomhlaba noma owezwe kodwa, kunalokho, ungoWami.
Ngadala umhlaba; ngenza izintaba, imifula, nazo zonke izinto; ngabumba amaphethelo ezulu nomhlaba; ngahola amadodana Ami nabantu Bami; ngayalela zonke izinto nezindaba.
Sonke isinyathelo engisithathayo siqukethe ukuhlakanipha kusona, kodwa umuntu akakwazi nhlobo ukukuqonda lokhu; umuntu ukwazi kuphela ukubona izenzo Zami namazwi Ami, kodwa akakwazi ukubona inkazimulo Yami, noma ukubonakala kwesiqu Sami, ngoba umuntu empeleni akanalo nje leli khono.
Ukuthi “amazwi nokungokoqobo kuqhubeka ngokuhambisana” kuyingxenye yesimo Sami sokulunga futhi, kula mazwi, ngiyokwenza ngokuqinisekile ukuthi wonke umuntu abone sonke isimo Sami.
Zonke izizwe ziyobusiswa ngenxa yakho; bonke abantu bayongincoma futhi bangidumise ngenxa yakho. Umbuso Wami uyochuma futhi ukhule, futhi uyohlala phakade.
Lapho konke sekwambulwe kuyoba lapho ngiphumula khona, futhi ngaphezu kwalokho, kuyoba yisikhathi lapho konke kuhlelekile khona. Ngenza umsebenzi Wami Ngokwami. Ngihlela konke futhi ngilungiselele konke Ngokwami.
Ngikhipha amazwi nsuku zonke, ngikhuluma nsuku zonke, futhi ngambula izimpawu nezimangaliso Zami ezinkulu nsuku zonke. Konke lokhu kuwumsebenzi woMoya Wami. Emehlweni abantu ngiwumuntu kuphela kodwa kukulobu buntu kanye lapho ngambula khona amandla Ami amakhulu.
